【非洲豬瘟】荃灣屠房突停運　本地豬農：豬欄愈來愈迫豬隻打交爭位

政府關閉上水屠房，並撲殺逾6500豬隻，以防止非洲豬瘟病毒蔓延，不過，未受影響的荃灣屠房亦突然決定停運，引起本地豬農不滿，指「有貨賣但無路劏」。荃灣屠房指將於下周一與上水屠房同步重開，預計不會再提早，有本地豬農相信，因荃灣屠房是私人經營，未與政府達成賠償共識，而「發晦氣」，打算「累鬥累」。豬農又指，因豬隻未能出貨，愈養愈大，豬欄位置不夠引致豬隻爭位打交。

▲ 「英明豬場」負責人尹偉明預計損失2萬元。（黃傑偉攝）

在元朗崇山新村開設「英明豬場」逾30年的本地豬農尹偉明表示，豬場內養有近3000隻豬，黑、白豬各佔一半，每日會賣出約300隻豬。因每日都會出豬，豬隻可以「出出入入」，每日都會有「鬆動」位置讓豬隻「走盞」。不過，由於上周六（11日）至下周日（20日）都未能出豬，加上豬隻愈養愈大，豬在豬欄中的空間亦會減少，增加密集性，豬隻會「打交」，

豬欄大約80呎一格，每個欄平時只有3至4隻，但現在就有5至6隻，豬不夠位就會打交爭位。

尹又指，除了不能賣豬失去收入之外，豬糧亦是昂貴的成本，估計將損失2萬元，

雖然內地豬糧較平，但有傳播非洲豬瘟的危機，故改用成本較高的美國豬糧。因為豬不能餓，愈大隻愈食得多，這9日中要用的豬糧份量要很多，所以這段時間連豬糧都要蝕！

尹希望政府可以盡快開放屠房，減少本地43個豬場的損失。

▲ 80呎內的豬欄養有5至6隻豬，有豬隻因不夠位打交。（黃傑偉攝）

另外，尹亦在元朗合益商場地舖開設肉檔，幸好上周五（10日）政府宣佈銷毀豬隻時，其肉檔只有一隻價值$5900的黑豬，根據政府的賠償方案，每隻黑豬$5000、白豬$2500，最後他只蝕了$900。